ຄູ່ມືໃຊ້ງານ ໜ້າຄວບຄຸມຮ້ານ

ເຂົ້າສູ່ລະບົບ

1. ເປີດລິ້ງ sabailao.com/s/ຊື່ຮ້ານຂອງທ່ານ/login
2. ໃສ່ລະຫັດຜ່ານທີ່ຕັ້ງໄວ້ຕອນສ້າງຮ້ານ
3. ຈະເຂົ້າສູ່ ໜ້າຄວບຄຸມຮ້ານ ທັນທີ

ຢູ່ດ້ານເທິງຂອງທຸກໜ້າຈະມີ ເບິ່ງຮ້ານ ເພື່ອເປີດເບິ່ງໜ້າຮ້ານແບບທີ່ລູກຄ້າເຫັນ ແລະ ອອກຈາກລະບົບ.

9 ໜ້າໃນແອັດມິນ

ໜ້ານີ້ບອກສະພາບຮ້ານໃນມື້ນີ້ພຽງຕາດຽວ. ເປີດເບິ່ງທຸກເຊົ້າກ່ອນເລີ່ມວຽກ.

ຕົວເລກ 4 ກ່ອງດ້ານເທິງ

• ການສັ່ງຊື້ໃໝ່ — ອໍເດີທີ່ຍັງບໍ່ທັນຈັດການ. ຄວນໃຫ້ເປັນ 0 ທຸກມື້.
• ສັ່ງຊື້ມື້ນີ້ ແລະ ຍອດຂາຍມື້ນີ້
• ຍອດຂາຍລວມ — ນັບແຕ່ເປີດຮ້ານມາ

ສິນຄ້າໃກ້ໝົດ

ລາຍການທີ່ເຫຼືອ 5 ອັນ ຫຼື ໜ້ອຍກວ່າ. ກົດຊື່ສິນຄ້າເພື່ອໄປແກ້ໄຂ ຫຼື ເຕີມສະຕັອກ.

ຊື້ສິນຄ້າເພີ່ມ

ລະບົບຄິດຈາກຍອດຂາຍຈິງວ່າຄວນຊື້ອັນໃດກ່ອນ. ວິທີໃຊ້ງ່າຍໆ:

1. ບອກລະບົບວ່າ ສິນຄ້າມາຮອດໃນ ຈັກມື້ ແລະ ຢາກມີສະຕັອກໄວ້ ດົນປານໃດ
2. ຊື້ຕາມລາຍການ ຈາກເທິງລົງລຸ່ມ ຈົນກວ່າເງິນຈະໝົດ ແລ້ວຢຸດ
3. ກົດ ກັອບປີ້ລາຍການສັ່ງຊື້ ແລ້ວສົ່ງໃຫ້ຜູ້ສະໜອງທາງ WhatsApp ໄດ້ເລີຍ

ດ້ານລຸ່ມຍັງບອກ ຢ່າຊື້ເພີ່ມ — ສິນຄ້າທີ່ຄ້າງສະຕັອກ ແລະ ມີເງິນຈົມຢູ່ນຳ.

ສິນຄ້າຂາຍຊ້າ ແລະ ຂໍ້ມູນເຈາະເລິກ

• ສິນຄ້າຂາຍຊ້າ (30 ມື້) — ກົດ ສ້າງໂປຣໂມຊັ່ນ ເພື່ອຫຼຸດລາຄາກະຕຸ້ນຍອດຂາຍ
• ຂາຍດີທີ່ສຸດ (30 ວັນ), ວັນຂາຍດີທີ່ສຸດ, ຍອດຊື້ສະເລ່ຍ/ອໍເດີ
• ລູກຄ້າກັບມາຊື້ — ຖ້າຕົວເລກນີ້ຕ່ຳ ໃຫ້ໃຊ້ ສົ່ງຫາລູກຄ້າເກົ່າ
• ຄົນເຂົ້າເບິ່ງຮ້ານ ແລະ ສິນຄ້າຄົນເບິ່ງຫຼາຍສຸດ

ຖ້າມີສິນຄ້າທີ່ຍັງບໍ່ມີຮູບ ລະບົບຈະເຕືອນ ພ້ອມປຸ່ມ ແກ້ໄຂ — ສິນຄ້າມີຮູບຂາຍໄດ້ດີກວ່າຫຼາຍ.

ເພີ່ມສິນຄ້າໃໝ່

1. ກົດ + ເພີ່ມສິນຄ້າ
2. ອັບໂຫຼດຮູບ (ສູງສຸດ 5 ຮູບ)
3. ລໍຖ້າ AI ຂຽນ ຊື່ / ໝວດໝູ່ / ຄຳອະທິບາຍ ໃຫ້ອັດຕະໂນມັດ
4. ໃສ່ ລາຄາ ແລະ ຕົ້ນທຶນ
5. ກົດ ບັນທຶກສິນຄ້າ

ຮູບສິນຄ້າ

• ຮູບທີ່ມີດາວ ★ ຄືຮູບໜ້າປົກທີ່ລູກຄ້າເຫັນກ່ອນ — ກົດ ຕັ້ງຫຼັກ ໃສ່ຮູບອື່ນເພື່ອປ່ຽນ
• ກັອບປີ້ຮູບຈາກ Facebook ຫຼື WhatsApp ແລ້ວ ວາງ (Ctrl+V) ໃສ່ໄດ້ເລີຍ
• ລາກຮູບມາວາງ (drag & drop) ກໍໄດ້
• ຮູບຈາກ iPhone (HEIC) ໃຊ້ໄດ້ປົກກະຕິ — ລະບົບຫຍໍ້ຮູບໃຫ້ເອງ

✨ ໃຫ້ AI ຂຽນຂໍ້ມູນສິນຄ້າ

ເມື່ອອັບໂຫຼດຮູບໃສ່ສິນຄ້າໃໝ່ AI ຈະຂຽນໃຫ້ອັດຕະໂນມັດ. ຖ້າຢາກໃຫ້ຂຽນໃໝ່ ກົດ ✨ ຕື່ມຂໍ້ມູນດ້ວຍ AI.

ແຕ່ລະຄັ້ງທີ່ໃຊ້ຈະຫັກ ເຄຣດິດ AI 1 ໜ່ວຍ. ເບິ່ງຈຳນວນທີ່ເຫຼືອໄດ້ໃນໜ້າ ⚙️ ຕັ້ງຄ່າ. ເຄຣດິດຈະຕື່ມໃໝ່ທຸກເດືອນ.

ຊ່ອງຂໍ້ມູນທີ່ຕ້ອງໃສ່

ລາຍລະອຽດ ແລະ ຕົວເລືອກ

ລາຍລະອຽດສິນຄ້າ ເຊັ່ນ ຂະໜາດ, ສີ, ນ້ຳໜັກ. ຖ້າຄ່າມີຫຼາຍອັນ (ເຊັ່ນ S, M, L) ລູກຄ້າຈະເລືອກໄດ້ຢູ່ໜ້າສິນຄ້າ; ຖ້າມີຄ່າດຽວ ຈະສະແດງເປັນຂໍ້ມູນເສີຍໆ.

ຖ້າຮ້ານໃຊ້ຕົວເລືອກຊ້ຳໆ ໃຫ້ຕັ້ງໄວ້ຄັ້ງດຽວທີ່ ຕົວເລືອກສິນຄ້າ (ຂະໜາດ / ສີ …) ໃນໜ້າຕັ້ງຄ່າ ແລ້ວເວລາເພີ່ມສິນຄ້າພຽງກົດເລືອກ.

ສັ່ງຈອງ (Pre-order)

ຖ້າສິນຄ້າຍັງບໍ່ທັນມາຮອດ ໃຫ້ເລືອກ ສັ່ງຈອງ (Pre-order) ແລ້ວໃສ່ ມັດຈຳ %. ລູກຄ້າຈະຈ່າຍມັດຈຳກ່ອນ ແລະ ຈ່າຍສ່ວນທີ່ຍັງເຫຼືອຕອນຮັບເຄື່ອງ.

ແບ່ງປັນ ແລະ ໂພສຂາຍ

• ແບ່ງປັນ — ໄດ້ລິ້ງ ແລະ QR ຂອງສິນຄ້າ ສຳລັບຕິດໜ້າຮ້ານ ຫຼື ສົ່ງໃຫ້ລູກຄ້າ
• ໂພສ Facebook — ໄດ້ຂໍ້ຄວາມພ້ອມໂພສ, ກົດ ຂຽນໂພສດ້ວຍ AI ໃຫ້ AI ຂຽນໃຫ້ ແລ້ວ ສຳເນົາ ໄປວາງໃສ່ Facebook

ທຸກອໍເດີເລີ່ມຈາກສະຖານະ ໃໝ່ ແລະ ຄວນຍ້າຍໄປເລື້ອຍໆຈົນຮອດ ຮອດແລ້ວ.

ກວດການຈ່າຍເງິນ

• BCEL QR — ລູກຄ້າອັບໂຫຼດສະລິບມາ. ກົດເບິ່ງຮູບສະລິບ ຖ້າຖືກຕ້ອງໃຫ້ກົດ ໝາຍວ່າຈ່າຍແລ້ວ
• ເກັບເງິນປາຍທາງ (COD) — ຈະສະແດງຈຳນວນ ເກັບເງິນປາຍທາງ ທີ່ຕ້ອງເກັບຈາກລູກຄ້າ
• ສັ່ງຈອງ — ຈະສະແດງ ມັດຈຳ ທີ່ຈ່າຍແລ້ວ ແລະ ຈຳນວນທີ່ ຍັງເຫຼືອ

ພິມໃບສົ່ງ

ກົດ ພິມໃບສົ່ງ ໃສ່ອໍເດີດຽວ ຫຼື ພິມທັງໝົດ ເມື່ອຈະສົ່ງເປັນຊຸດ (1 ໃບ ຕໍ່ 1 ໜ້າ).

ເອີ້ນຄົນຂັບ Sabailao

1. ກົດ ເອີ້ນຄົນຂັບ Sabailao ໃນອໍເດີນັ້ນ
2. ຈະຂຶ້ນ ລໍຖ້າຄົນຂັບຮັບວຽກ… — ຍົກເລີກໄດ້ຖ້າຍັງບໍ່ມີໃຜຮັບ
3. ເມື່ອມີຄົນຮັບ ຈະເຫັນຊື່, ຮູບ ແລະ ປ້າຍລົດຂອງຄົນຂັບ
4. ຕິດຕາມສະຖານະ: ກຳລັງມາຮັບເຄື່ອງ → ກຳລັງສົ່ງ → ສົ່ງສຳເລັດ
5. ເມື່ອສົ່ງແລ້ວ ຈະມີ ຮູບຢືນຢັນການສົ່ງ ແລະ ທ່ານສາມາດ ໃຫ້ຄະແນນຄົນຂັບ

ຄົ້ນຫາອໍເດີ

ພິມ ເລກທີ / ຊື່ລູກຄ້າ / ເບີໂທ ໃສ່ຊ່ອງຄົ້ນຫາ ຫຼື ເລືອກຊ່ວງເວລາ ມື້ນີ້ 7 ມື້ 30 ມື້ 3 ເດືອນ.

ກຳໄລ = ຍອດຂາຍ − ຕົ້ນທຶນ. ບໍ່ລວມຄ່າສົ່ງ ແລະ ບໍ່ນັບອໍເດີທີ່ຍົກເລີກ.

• ເລືອກເບິ່ງເປັນ ອາທິດນີ້, ເດືອນນີ້ ຫຼື 3 ເດືອນ
• ສະຫຼຸບອັດສະລິຍະ ບອກວ່າຍອດຂາຍເພີ່ມ ຫຼື ຫຼຸດ ກີ່ % ທຽບເດືອນກ່ອນ
• ສິນຄ້າຂາຍດີ (90 ມື້) — ໃຊ້ຕັດສິນວ່າຄວນຊື້ອັນໃດເພີ່ມ
• ດາວໂຫຼດສະຫຼຸບ (CSV) ແລະ ດາວໂຫຼດລາຍລະອຽດ (CSV) ເປີດໃນ Excel ໄດ້

ຈັດເກັບການສັ່ງຊື້ເກົ່າ

ເມື່ອອໍເດີເລີ່ມຫຼາຍ ສາມາດຈັດເກັບຂອງເກົ່າໄດ້ ເພື່ອໃຫ້ໜ້າຈໍໄວຂຶ້ນ.

1. ເລືອກວ່າຢາກ ເກັບລ່າສຸດ ຈັກເດືອນ
2. ລະບົບຈະ ດາວໂຫຼດໄຟລ໌ສຳຮອງ (CSV) ໃຫ້ກ່ອນ
3. ຈາກນັ້ນຈຶ່ງລຶບອໍເດີເກົ່າອອກ — ສະຫຼຸບລາຍເດືອນຍັງຢູ່ຄືເກົ່າ

ຫຼາຍຮ້ານຕັ້ງລາຄາຕ່ຳເກີນໄປ ເພາະລືມນັບຄ່າຫຸ້ມຫໍ່ ແລະ ຄ່າທຳນຽມ. ໜ້ານີ້ຊ່ວຍຄິດໃຫ້.

1. ໃສ່ ຕົ້ນທຶນ ຂອງສິນຄ້າ
2. ຕັ້ງ ກຳໄລທີ່ຕ້ອງການ (%)
3. ໃສ່ ຄ່າຫຸ້ມຫໍ່, ຄ່າທຳນຽມໂອນ/ທະນາຄານ (%) ແລະ ພາສີ / VAT (%) ຖ້າມີ
4. ອ່ານ ລາຄາຂາຍທີ່ແນະນຳ (ປັດເປັນ 1,000 ກີບ)
5. ກົດ ບັນທຶກເປັນຄ່າເລີ່ມຕົ້ນ ເພື່ອໃຊ້ຄ່າເຫຼົ່ານີ້ກັບສິນຄ້າຕໍ່ໄປ

ເມື່ອບັນທຶກເປັນຄ່າເລີ່ມຕົ້ນແລ້ວ ຕອນເພີ່ມສິນຄ້າຈະມີ ລາຄາແນະນຳ ຂຶ້ນໃຫ້ ພຽງກົດ ໃຊ້.

1. ກົດ + ສ້າງໂປຣໂມຊັ່ນ
2. ຕັ້ງ ຊື່ ແລະ ສ່ວນຫຼຸດ (%)
3. ເລືອກ ທຸກສິນຄ້າ ຫຼື ເລືອກບາງສິນຄ້າ (ເລືອກໝົດໝວດໄດ້)
4. ຕັ້ງວັນທີ — ຫຼື ໃຊ້ປຸ່ມໄວ 7 ມື້ 14 ມື້ ທ້າຍເດືອນ
5. ເບິ່ງ ກວດກຳໄລ ກ່ອນ ແລ້ວກົດ ບັນທຶກໂປຣໂມຊັ່ນ

ສະຖານະໂປຣໂມຊັ່ນ: ກຳລັງໃຊ້ · ຕັ້ງເວລາ · ສິ້ນສຸດ · ປິດ. ກົດ ຢຸດ ເພື່ອຢຸດຊົ່ວຄາວ ຫຼື ສຳເນົາ ເພື່ອສ້າງອັນຄ້າຍກັນ.

ໃຫ້ລູກຄ້າ ຫຼື ໝູ່ ແບ່ງປັນລິ້ງຮ້ານ ແລ້ວຮັບຄ່າຄອມມິຊັນເມື່ອມີຄົນຊື້ຜ່ານລິ້ງນັ້ນ.

1. ເປີດ ເປີດໃຊ້ໂປຣແກຣມ
2. ຕັ້ງ ຄ່າຄອມມິຊັນ (%)
3. ຕົວແທນສະໝັກເອງໄດ້ ແລ້ວຈະມີລະຫັດຂອງໃຜລາວ
4. ເບິ່ງ ຄ້າງຈ່າຍ ຂອງແຕ່ລະຄົນ ແລ້ວກົດ ຈ່າຍແລ້ວ ເມື່ອຈ່າຍເງິນໃຫ້ເຂົາແລ້ວ

• ເບິ່ງ ແພັກເກັດ ປັດຈຸບັນ, ລາຄາຕໍ່ເດືອນ ແລະ ວັນທີຈ່າຍຄັ້ງຕໍ່ໄປ
• ແພັກເກັດເປັນຕົວກຳນົດ ຈຳນວນສິນຄ້າສູງສຸດ ແລະ ເຄຣດິດ AI ຕໍ່ເດືອນ
• ຈ່າຍຜ່ານ BCEL QR ແລ້ວແຈ້ງໃຫ້ພວກເຮົາຢືນຢັນ
• ເຊີນຮ້ານ & ຮັບລາງວັນ — ແບ່ງປັນລິ້ງເຊີນໃຫ້ໝູ່ທີ່ຂາຍເຄື່ອງ ເມື່ອເຂົາເປີດຮ້ານ ແລະ ຊຳລະ ທ່ານຈະໄດ້ເດືອນຟຣີ

ຕັ້ງເທື່ອດຽວ ແລ້ວໃຊ້ໄດ້ຕະຫຼອດ. ຢ່າລືມກົດ ບັນທຶກການຕັ້ງຄ່າ ຢູ່ດ້ານລຸ່ມທຸກຄັ້ງ.

ຂໍ້ມູນຮ້ານ

ຊື່ຮ້ານ, ສະໂລແກນ, ເບີໂທຕິດຕໍ່, WhatsApp, ໂລໂກ້ ແລະ ຮູບ BCEL One QR.

ປະເພດທຸລະກິດ

ເລືອກວ່າຮ້ານຂອງທ່ານແມ່ນແບບໃດ — ຕົວເລືອກນີ້ຕັດສິນວ່າລູກຄ້າຈະພົບຮ້ານທ່ານຢູ່ໝວດໃດໃນ Marketplace:

• 🛍 ຂາຍເຄື່ອງ — ເສື້ອຜ້າ, ຄວາມງາມ, ເຄື່ອງໃຊ້
• 🍜 ອາຫານ & ເຄື່ອງດື່ມ — ຮ້ານອາຫານ, ຄາເຟ່, ເບເກີຣີ

ວິທີຊຳລະເງິນ

ເປີດ / ປິດ ເກັບເງິນປາຍທາງ (COD) ແລະ BCEL One QR. ຕ້ອງເປີດຢ່າງໜ້ອຍ 1 ວິທີ.

ບໍລິສັດຂົນສົ່ງ & ຄ່າສົ່ງ

ແກ້ຊື່ບໍລິສັດ ແລະ ຄ່າສົ່ງໃຫ້ຖືກກັບທີ່ທ່ານໃຊ້ຈິງ ຫຼື ກົດ + ເພີ່ມບໍລິສັດ. ລູກຄ້າຈະເລືອກຢູ່ຕອນຈ່າຍເງິນ.

ຈຸດຮັບເຄື່ອງ (ສຳລັບຄົນຂັບ Sabailao)

1. ໃສ່ ທີ່ຢູ່ຮັບເຄື່ອງ ເຊັ່ນ “ບ້ານ ໂພນຕ້ອງ, ຮ່ອມ 7”
2. ເລືອກ ແຂວງ
3. ຢືນຢູ່ຮ້ານ ແລ້ວກົດ ບັນທຶກຈຸດ GPS ຂອງຮ້ານ
4. ກົດ ກວດເບິ່ງໃນແຜນທີ່ ເພື່ອຢືນຢັນວ່າຈຸດຖືກຕ້ອງ

ການແຈ້ງເຕືອນອໍເດີໃໝ່

ມີ 3 ວິທີ ເລືອກໃຊ້ໄດ້ພ້ອມກັນ:

ຕັ້ງ Telegram:

1. ໃນ Telegram ທັກຫາ @BotFather ພິມ /newbot ແລ້ວສຳເນົາ Token
2. ທັກຫາ @userinfobot ເພື່ອເອົາ Chat ID (ເປັນຕົວເລກ)
3. ວາງທັງສອງຢ່າງໃສ່ຊ່ອງ ແລ້ວກົດ ທົດສອບ — ຖ້າສຳເລັດຈະມີຂໍ້ຄວາມເຂົ້າ Telegram ຂອງທ່ານ

ຜູ້ຊ່ວຍຂາຍ AI

ເປີດແຊັດບອດຢູ່ໜ້າຮ້ານ ເພື່ອຕອບຄຳຖາມລູກຄ້າ (ລາຄາ, ສີ, ການສົ່ງ) ເປັນພາສາລາວ 24 ຊົ່ວໂມງ. ຕອບໂດຍອີງໃສ່ສິນຄ້າ ແລະ ຂໍ້ມູນຮ້ານຂອງທ່ານ. ເປັນບໍລິການເສີມ — ລວມຢູ່ໃນແພັກເກັດ Pro.

ຮູບແບບຮ້ານ (ເທມ) ແລະ ຕົວເລືອກສິນຄ້າ

ເລືອກສີ ແລະ ແບບດີໄຊຂອງໜ້າຮ້ານ. ດ້ານລຸ່ມຍັງຕັ້ງ ຕົວເລືອກສິນຄ້າ ໄດ້ ເຊັ່ນ ຂະໜາດ S/M/L ຫຼື ສີຕ່າງໆ ເພື່ອໃຊ້ຄືນທຸກຄັ້ງທີ່ເພີ່ມສິນຄ້າ.

ປ່ຽນລະຫັດຜ່ານ

ໃສ່ລະຫັດຜ່ານປັດຈຸບັນ ແລະ ລະຫັດຜ່ານໃໝ່ (ຢ່າງໜ້ອຍ 4 ໂຕ) ແລ້ວກົດ ປ່ຽນລະຫັດຜ່ານ.

ລູກຄ້າບອກວ່າຈ່າຍແລ້ວ ແຕ່ອໍເດີຍັງເປັນ “ໃໝ່”

ອໍເດີ BCEL QR ຈະບໍ່ປ່ຽນເປັນຈ່າຍແລ້ວອັດຕະໂນມັດ. ໃຫ້ເປີດເບິ່ງຮູບສະລິບກ່ອນ ຖ້າຖືກຕ້ອງຈຶ່ງກົດ ໝາຍວ່າຈ່າຍແລ້ວ.

ບໍ່ໄດ້ຮັບແຈ້ງເຕືອນອໍເດີໃໝ່

• ກວດວ່າກົດ ເປີດແຈ້ງເຕືອນ ໃນເບົາເຊີແລ້ວບໍ
• ຖ້າໃຊ້ Telegram ໃຫ້ກົດ ທົດສອບ ອີກຄັ້ງ — Token ຫຼື Chat ID ອາດຜິດ
• ບາງມືຖືປິດແຈ້ງເຕືອນເບົາເຊີໄວ້ — ກວດໃນຕັ້ງຄ່າຂອງເຄື່ອງ

AI ຂຽນເປັນຕົວອັກສອນໄທ

ເກີດຂຶ້ນໄດ້ບາງເທື່ອ. ລະບົບຈະເຕືອນໃຫ້ກວດ — ແກ້ເປັນຄຳລາວດ້ວຍຕົນເອງກ່ອນກົດບັນທຶກ.

ກຳໄລໃນໜ້າການເງິນເບິ່ງບໍ່ຖືກ

ສ່ວນຫຼາຍແມ່ນຍັງບໍ່ໄດ້ໃສ່ ຕົ້ນທຶນ ຂອງສິນຄ້າ. ໄປໃສ່ຕົ້ນທຶນໃຫ້ຄົບທຸກລາຍການກ່ອນ.

ສິນຄ້າບໍ່ຂຶ້ນໃນ Marketplace

• ສິນຄ້າທີ່ສະຕັອກເປັນ 0 ຈະບໍ່ຂຶ້ນ — ເປັນການປ້ອງກັນບໍ່ໃຫ້ໂຄສະນາຂອງທີ່ໝົດແລ້ວ
• ຮ້ານທົດລອງ (trial) ຈະບໍ່ຂຶ້ນໃນ Marketplace ແຕ່ລິ້ງຂອງຮ້ານຍັງໃຊ້ໄດ້ປົກກະຕິ

ຢາກເຊົາຂາຍສິນຄ້າຊົ່ວຄາວ

ຢ່າລຶບ — ໃຫ້ຕັ້ງສະຕັອກເປັນ 0 ແທນ. ຂໍ້ມູນ, ຮູບ ແລະ ຄະແນນຈາກລູກຄ້າຈະຍັງຢູ່ຄົບ.

ໃຊ້ເຄຣດິດ AI ໝົດແລ້ວ

ເຄຣດິດຈະຕື່ມໃໝ່ໃນເດືອນຖັດໄປ. ຖ້າຕ້ອງການເພີ່ມກ່ອນ ໃຫ້ກົດ ຂໍເຄຣດິດ AI ເພີ່ມ ພວກເຮົາຈະຕິດຕໍ່ກັບ.